婚姻這種邪教

呢個場成大半年冇寫，主要係因為公司執笠，返新工之後好很忙，唔覺唔覺就停晒手。

講番正題，網絡作家史兄我一路有追，佢寫啲嘢真係好撚好笑。我同佢網上認識，到佢出新書，終於可以一賭無碼真人。

關於婚姻這種邪教，年中真係見唔少人中招。叫得做邪教，通常入咗都唔覺，仲以為自己好撚幸運，當正個教就係全世界，乜都瞓晒身落去，不過到發現嘅時候已經太遲，結果仲要扮到好似好幸福咁。

史兄寫嗰個森哥，簡直係人間極品，如果係真人真事，應該唔捱得好耐就會離婚，個細路仔就變單親兒童。

我俾女友睇，同佢講，《男人的地獄》講啲港女買衫好撚煩，叫佢檢討下。佢話，屌，講呢啲(呢句係我加嘅)，我去Pacific Place架，葵涌廣場係啲荃灣工廈返工嘅OL先會去。我心諗，超，你咪一樣有去銅鑼灣啲商場仔。

聽講史兄呢本書同香港啲樓一樣，一推出就賣撚晒，而家已經出第二版，真係好堅。